කොටු පවුරේ ඔබ්බෙන් සිට
එබිකම් කරනා පුන්සද
සෞම්ය සද රැසින් ලොවම
එළිය කරන බව සැබෑය
නමුත් පවුර යට පෙදෙසට
මද එළියකි අදුර ඉසින
පවුරේ උඩ මාලිගාවෙ
දහසක් රට පුරා මිදුල්
හද මාමා පෙන්න පෙන්න
අඩන බබුන් කර පින්නන
බත් කවන්න මව්වරු
කෑ මොර හඩ දෙනවා
"හද මාමා බිමට ඇවිත්
කිරියි පැණියි ගෙනත් දේවි"
පවුර අසල කටු යහනක
වීදි මවක් කුලියට ගෙන
මාම කෙනෙක් සුර ලෝකෙට
යන්න හදනවා
වීදි දියණි මව ඉල්ලා
කෑ මොර දෙනවා...
හද මාමා සෞම්ය ලෙස
නෙත් කාන්ති හෙලා සිටියි
වීදි දියණිගේ වැළපුම
නිහඩ අදුර තුළ කිමිදෙයි.
